Madonna og Guy sögð okra á barnum

Madonna og Guy Ritchie hafa verið sökuð um að okra á gestum kráarinnar The Punchbowl, sem hefur verið í eigu þeirra í sex mánuði.  Starfsfólk kráarinnar, sem er í Mayfair hverfinu í London, er sagt hafa rukkað ferðamenn um meira fyrir bjórglasið en fasta viðskiptavini.

Brian Richardson, viðskiptavinur, segir að hann hafi borgað andvirði 550 króna fyrir bjórinn einn daginn og 610 krónur næsta dag.  Þegar hann kvartaði við barþjóninn var honum sagt að tvö verð séu í notkun, eitt fyrir fastakúnna og annað fyrir ferðamenn.  Þá segir hann að enginn verðlisti sé á barnum en lögum samkvæmt er skylda að sýna verð á drykkjum. 

Talsmaður Madonnu og Guy vill ekki tjá sig um þetta en aðstoðarframkvæmdastjóri barsins neitar ásökunum og segir að verð á bjór hafi breyst, og verðlisti sé til sýnis.

• 1 blogg um fréttina

Bloggað um fréttina

• Davíð Þór Kristjánsson: Er þetta frétt ?