Britney Spears og Kevin Federline. Reuters

Bandaríska söngkonan Britney Spears hefur greint frá því að hún telji sig hafa gert mistök er hún giftist Kevin Federline, fyrrum eiginmanni sínum og föður tveggja sona sinna. 

„Ég held að ég hafi gift mig á röngum forsendum. Í stað þess að fylgja hjarta mínu og gera bara það sem gerði mig raunverulega hamingjusama, gerði ég hlutina til að uppfylla einhverja hugmynd,” segir söngkonan í kynningarbroti úr sjónvarpsþættinum ‘Britney: For the Record’.  

Britney og Kevin gengu í hjónaband í september árið 2004 en skildu að borði og sæng sumarið 2006. Kevin fer nú með forræði sona þeirra.