Smáfuglar fengu ekki verðlaun

Stuttmyndin Frankie eftir Darrene Thornton fékk verðlaun á evrópsku kvikmyndahátíðinni, sem fór fram í Kaupmannahöfn í kvöld. Stuttmyndin Smáfuglar, eftir Rúnar Rúnarsson, var tilefnd til verðlaunanna. 

Ítalska kvikmyndin Gomorra, sem fjallar um ítölsku mafíuna í Napólí,  fékk fimm verðlaun á hátíðinni. Gomorra var valin besta myndin,  Matteo Garrone var valinn besti leikstjórinn, Toni Servillo var valinn besti leikarinn og myndin fékk verðlaun fyrir handrit og kvikmyndatöku.

Enska leikkonan Kristin Scott Thomas var valin besta leikkonan fyrir frönsku myndina Il y a Longtemps Que Je T'Aime.  Myndin Harry Potter og Fönixreglan fékk áhorfendaverðlaun hátíðarinnar.

Þá fékk breska leikkonan Judy Dench heiðursverðlaun hátíðarinnar.

Friðrik krónprins Dana og Mary prinsessa voru viðstödd verðlaunahátíðina. AP

Anders Fogh Rasmussen, forsætisráðherra Dana, og Annemette kona hans, voru viðstödd verðlaunahátíðina, AP

• 1 blogg um fréttina

Bloggað um fréttina

• Ransu: Hungur Steve McQueens verðlaunuð