Beyoncé er klæðskiptingur

Það er ef til vill meira spunnið í texta lagsins If I Were a Boy, sem Beyoncé Knowles hefur nú gert vinsælt, en marga grunar. Söngkonan íðilfagra hefur nú viðurkennt að vera klæðskiptingur... eða að minnsta kosti þegar hún vill láta lítið á sér bera á meðal fjöldans.

Hún býr nú í New York ásamt kærasta sínum, rapparanum Jay-Z, og hikar ekki við að skreppa út ef hana langar til. En þá iðulega klædd í strákaföt.

„Mér finnst frábært að geta farið út að skokka í Centra Park,“ sagði hin 27 ára gamla söngkona í samtali við Ok Magazine. „Ég fer ein út ásamt þjálfaranum mínum. Ég klæði mig bara eins og strákur og þá áttar sig enginn á því að þetta sé ég. Ég þýt bara áfram.“