Veröld/Fólk | 1 Fólk - fréttir | mbl | 12.3.2009 | 10:06 | Uppfært 13.3.2009 17:21

Fyrsta sýnishorn úr Draumalandinu

Eftir Jóhann Bjarna Kolbeinsson jbk@mbl.is

Heimildarmyndin Draumalandið, sem byggð er á samnefndri bók Andra Snæs Magnasonar, verður frumsýnd hinn 8. apríl næstkomandi. Andri Snær leikstýrir myndinni sjálfur ásamt Þorfinni Guðnasyni.

„Ég held að myndin sé orðin nokkuð góð, þótt ég segi sjálfur frá, og hún er eiginlega komin fram úr væntingum. Hún er full af drama og pólitísku náttúrulífsefni. Sumt af því er sláandi og sumt álíka krassandi og fengitími í mynd eftir Attenborough," segir Andri Snær.

„Þetta er með stærri heimildarmyndum sem hafa verið gerðar hér á landi og maður á að sjá hana í bíói. Hún nýtur sín langbest á stærsta tjaldinu í Háskólabíói."

Hér gefur að líta fyrsta sýnishornið úr myndinni en nánari umfjöllun um myndina er að finna í Morgunblaðinu í dag.

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið