Rihanna nakin á netinu?
Söngkonan Rihanna. Reuters
Nektarmyndir af bandarísku söngkonunni Rihanna berast nú manna í millum yfir Internetið. Raunar hefur ekki verið að staðfest að um Rihönnu sé að ræða en gárungarnir telja líklegt að svo sé. Sjö myndum hefur verið komið í umferð og má á þeim sjá ýmsa líkamshluta hennar.
Samkvæmt því sem slúðurmiðlar greina frá virðast allar sjö myndirnar teknar í sama baðherberginu. Á tveimur þeirra má greinilega sjá andlit Rihönnu. Myndirnar eru vistaðar á vefþjóni imagehaven.com og hefur útgefandi Rihönnu krafist þess að þær verði fjarlægðar. Þær má meðal annars nálgast í gegnum fréttavefinn Huffington Post.
Söngkonan heitir réttu nafni Robyn Rihanna Fenty. Hún er 21 árs gömul og hefur verið mikið í fréttum að undanförnu vegna heimilisofbeldis af hálfu kærasta síns, söngvarans Chris Brown.
