Chris Pine og Zachary Quinto í hlutverkum sínum í Star Trek Reuters

Bandarískir kvikmyndahúsagestir tóku nýju Star Trek kvikmyndinni fagnandi um helgina en hún skilaði um 76,5 milljónum dala í kassann frumsýningarhelgina. Er það álíka fjárhæð og þær tíu Star Trek myndir hafa skilað samanlagt í kassann á frumsýningarhelgi.

Í Star Trk myndinni er forsögu einnar stórkostlegustu könnunarferðar mannkynssögunnar fylgt eftir. Uppvaxtar- og mótunarár James T. Kirk og áhafnar hans í Starfleet-skólanum eru þungamiðja myndarinnar sem kemur úr smiðju J.J. Abrams (Lost, Mission: Impossible III, Cloverfield). Leikstjóri myndarinnar er  J.J. Abrams og með helstu hlutverk fara: Chris Pine, Zachary Quinto, Eric Bana, Simon Pegg og Winona Ryder.

Fimm vinsælustu í kvikmyndahúsum vestanhafs um helgina: 

1. Star Trek, 76,5 milljónir dala

2.  X-Men Origins: Wolverine, 27 milljónir dala

3. Ghosts of Girlfriends Past, 10,45 milljónir dala

4.  Obsessed, 6,6 milljónir dala

5.  17 Again, 4,4 milljónir dala.