Margir veðja á að Norðmaðurinn Alexander Rybak sigri í Evróvisjónkeppninni á laugardag. Reuters

Öll Norðurlöndin fimm verða með í úrslitum Evróvisjón söngvakeppninnar á laugardag. Það varð ljóst eftir síðari undanúrslitin í Moskvu í kvöld en bæði Danir og Norðmenn komust þá áfram í úrslitin. Á þriðjudag komust Íslendingar, Finnar og Svíar áfram.

Nítján þjóðir kepptu í undanúrslitunum í kvöld. Auk Danmerkur og Noregs komust Albanía, Aserbaídjan, Eistland, Grikkland, Króatía, Litháen, Moldavía og Úkraína í úrslitin.