O'Neal gaf 11 ára syni sínum kókaín
Setja bókamerki
Bandaríski leikarinn Ryan O'Neal á ekki sjö daganna sæla. Fyrst bárust fréttir af óviðeigandi hegðun hans í garð dóttur sinnar við útför Farrah Fawcett og nú hefur sonur hans Griffin bætt um betur. Í viðtali við sjónvarpsmanninn Larry King sagðist Griffin hafa verið 11 ára þegar faðir hans gaf honum kókaín.
"Ég var ellefu ára gamall þegar hann gaf mér kókaín og sagði okkur á leið að sjá langa kvikmynd sem nefnist Barry Lyndon. Hann sagði "Þetta er mjög löng kvikmynd. Kannski þetta hjálpi þér". Þetta myndi ég aldrei gera barni mínu," sagði Griffin O'Neal sem er 45 ára.
Samband feðgana hefur verið mjög stirt um áraraðir og var Griffin ekki við útför stjúpmóður sinnar, Fawcett. Árið 2007 þurfti að kalla til lögreglu vegna átaka þeirra í milli á heimili fjölskyldunnar í Kaliforníu.
Griffin sagðist einnig efast um að faðir sinn syrgði Fawcett nokkuð. Hann hafi tekið upp samband við hana að nýju eftir að hún greindi honum frá því að hún skammt eftir ólifað. "Eina markmið föður míns var að komast í erfðaskrána."
Um 5.000 milljarðar í enduruppbyggingu
„Ættir þú ekki frekar að bjóða þig fram til Alþingis?“
Skila vonandi tillögum til dómsmálaráðherra í dag
Átta létust og 229 slösuðust alvarlega
Olíufélögin fái milljarða í afslátt frá borginni
Einn handtekinn út af þjófnaðinum í Hamraborg