Karl Rove hlustaði á íslenskar sögur í æsku

Karl Rove og George W. Bush þegar allt lék í ...
Karl Rove og George W. Bush þegar allt lék í lyndi.
Karl Rove, sem um tíma var áhrifamesti ráðgjafi Georges W. Bush, fyrrum Bandaríkjaforseta, er af norskum ættum og segir í viðtali við AP fréttastofuna að hann kunni að meta allt sem frá Noregi kemur - nema lútfisk. Fram kemur að faðir Rove las fyrir hann norskar og íslenskar sögur í æsku.

„Það þarf áunninn smekk til að geta borðað mat, þar sem aðalhráefnið er lútur," segir Rove. 

Rove segir að Louis stjúpfaðir sinn hafi verið af norskum ættum og sjálfur eigi hann bróður og frændur sem heiti Olaf. 

Ráðgjafanum hefur verið boðið til Norður-Dakóta á norska hausthátíð og þar á að taka hann inn í norrænu frægðarhöllina svonefndu. AP segir, að skiptar skoðanir séu um þetta meðal demókrata í ríkinu. 

mbl.is

Bloggað um fréttina