Hafmeyjan komin á Akranes
Haraldur Sturlaugsson, mbl.is/Árni Sæberg
Haraldur Sturlaugsson á Akranesi keypti í gær styttuna Hafmeyjuna eftir Nínu Sæmundsson, sem reynt var að selja á uppboði Gallerís Foldar í fyrrakvöld. Ekki fékkst viðunandi lágmarksboð í verkið á uppboðinu og keypti Haraldur styttuna af innflytjanda hennar í dag. Þetta kemur fram á vef Skessuhorns.
Hafmeyjunni hefur nú verið komið fyrir á stalli á sýningunni Íþróttir í 100 ár sem opnuð var á Akranesi í síðustu viku.
„Þar sem þessi fræga stytta virtist vera orðin munaðarlaus rann mér það til rifja. Sér í lagi þar sem listakonan Nína Sæmundsson var Fljótshlíðingur, fædd á næsta bæ við Hlíðarenda, í Nikulásarhúsum. Ég hef alltaf verið veikur fyrir konum úr Fljótshlíðinni og Hafmeyjan er meira að segja nokkrum sentimetrum stærri en hún Ingibjörg mín,” sagði Haraldur í viðtali við fréttavefinn Skessuhorn en þess má geta að Ingibjörg Pálmadóttir eiginkona Haralds er ættuð úr Fljótshlíðinni.
- Lokadagur leirmunasýningar
- „Duglegasti“ Eurovision keppandinn
- Þórunn Erna bæjarlistamaður Garðabæjar
- Rauk út í miðri áheyrnarprufu
- UN Women styrktartónleikar á Gauknum
- „Erum ekkert að fara á taugum“
- Vona að Spánn sigri ekki
- Frost ekki bara á Fróni?
- Tókst að góma flóttamörgæsina 337
- Aldrei boðið á stefnumót
- Orðljótur í Cannes
- Hróaðu þig niður!
