Elin á skíðum í Frakklandi

Elin Nordegren, eiginkona bandaríska kylfingsins Tigers Woods, var ásamt tvíburasystur sinni og vinum á skíðum í Chamonix í frönsku ölpunum. Breska blaðið The Sun birtir í dag myndir af henni þar en Woods er sagður vera á Flórída þar sem þau hjón búa.

Nordegren fór með börn sín tvö til Svíþjóðar fyrir jólin en  miklar vangaveltur eru um hvort hún muni skilja við mann sinn eftir að upp komst að hann hefur átt margar ástkonur undanfarin misseri.  

The Sun segir, að Elin, Josefin systir hennar og fimm vinir þeirra dvelji í húsi í  Les Houches, skammt frá Chamonix. Hússins sé gætt af franskri öryggisþjónustu.  

Blaðið hefur eftir ónafngreindum fjölskylduvini, að þrátt fyrir allt sem á hefur gengið hafi Elin ekki ákveðið að yfirgefa Tiger en hún ætli hins vegar að taka sér góðan tíma til að yfirvega málið.

• 4 blogg um fréttina

Bloggað um fréttina

• Halldór Jóhannsson: Ljúfan mín fríð...
• Þórður Guðmundsson: Er á meðan er
• Jóhannes Ragnarsson: Hvort er róttækara, að vega mann eða yfirvega?
• Sigurbjörg Sigurðardóttir: Money.