„Ég er diskódíva, þið fáið diskótrukk“

 „Þjóðhátíðarnefnd bað mig um að semja Þjóðhátíðarlagið 2011 og ég sagði: „Ókei, ég skal taka slaginn en þið fáið sko ekkert kassagítarslag frá mér. Ég er diskódíva, þið fáið danspopp frá mér, algeran diskótrukk,““ segir Páll Óskar sem prýðir forsíðu nýjasta tölublað Monitor. Blaðið inniheldur allt sem þú þarft að vita um Þjóðhátíð 2011 í Eyjum.

Hægt er að hlusta Þjóðhátíðarlagið hans Páls, La Dolce Vita, hér.
Þess má jafnframt til gamans geta að Páll Óskar og Örlygur Smári eru um þessar mundir að útbúa útgáfu „kassagítars-remix“ af laginu sem kemur einnig á netið von bráðar.

Diskódívan Páll Óskar er í stóru viðtali í miðju blaðsins sem kom út í dag þar sem hann segir sögu Þjóðhátíðarlagsins, talar um Gay Pride, útför gemsans síns og margt fleira.

Blaðið má nálgast í rafrænni útgáfu hér.

Páll Óskar Hjálmtýsson. mbl.is/Sigurjón Guðjónsson

• Blogga um frétt