Harry prins skemmtir sér með barþjónustustúlku

Uppi er hávær orðrómur um að Harry prins og barþjónninn, Jessica Donaldson, hafi verið að stinga nefjum saman og eytt nótt saman á hótelherbergi Harrys.

Orðrómur um samband þeirra verður alltaf háværari og háværari og var það haft eftir Donaldson að Harry væri algjör draumaprins, en hún neitar því þó að hún eigi í sambandi við hann.  

Donaldson vinnur á bar á næturklúbbi í San Diego þar sem hún hitti Harry prins í lokuðu VIP-herbergi staðarins. Donaldson segir að hún vilji segja sögu sína til þess að stoppa frekari kjaftasögur.  

„Ég er ekki að sofa hjá Harry prins og hann hefur aldrei verið neitt annað en algjör herramaður við mig. Ég er í miklu uppnámi yfir því að þetta hafi verið blásið svona upp. Hann er bara venjulegur náungi sem finnst gaman að fá sér nokkra bjóra með vinum sínum. Hann er virkilega svalur og jarðbundinn og það er það sem mér líkar við hann. Ég er upp með mér að hann hafi sýnt mér athygli en það er ekkert meira á bakvið þetta en það.“  

Donaldson sat í viðtalinu ásamt kærasta sínum. Þrátt fyrir að hún neiti orðrómunum komst hún í mikið uppnám þegar hún var spurð út í myndir sem að láku á ameríska slúðursíðu í síðustu viku. Á myndunum sást til Donaldson og Harry prins kyssast. Donaldson hristi hausinn, tárin brutust fram og hún hljóp út úr herberginu.  

Harry prins mætti á klúbbinn, sem að Donaldson vinnur á föstudaginn 7. október. Þar skemmti hann sér ásamt vinum sínum í sérstöku VIP-herbergi og var einstaklega viðkunnanlegur við kvenkynsþjónana. Í lok kvöldsins kom svo lífvörður prinsins upp að Donaldson og bað um númerið hennar. Lífvörðurinn sagði þá að Harry vildi bjóða henni ásamt annarri stúlku sem þjónaði þeim í „brunch“ daginn eftir.  

Stúlkurnar hittu prinsinn daginn eftir og áttu saman góða stund yfir morgunmat. Að morgunmatnum loknum færðu þau sig yfir á mexíkóskan stað þar sem þau fengu sér kokteila og nachos.  

Harry prins er sem stendur í þyrlunámi í El Centro sem er um það bil tvo tíma frá San Diego. Harry lét vin sinn senda Jessicu sms og bjóða henni í VIP-partí sem þeir vinirnir stóðu fyrir. Parið átti þá saman góðar stundir, hlustuðu á tónleika og dönsuðu saman. Það var þetta kvöld sem að myndir náðust af parinu kyssast. 

Harry leigði óvænt svítu á hóteli í grenndinni og sást þar til hans ásamt dökkhærðri stúlku sem veitti honum félagsskap um nóttina. Starfsfólk hótelsins hefur borið kennsl á Donaldson sem stelpuna sem yfirgaf herbergi Harrys í kringum sexleytið morguninn eftir. 

Donaldson neitar þessum ásökunum og segir að starfsfólkið fari mannavillt, enda eigi hún kærasta til þriggja ára.  

• 1 blogg um fréttina

Bloggað um fréttina

• Árni Gunnarsson: Fyrr má nú vera!