Kim Kardashian í felum

Kim Kardashian er farin í felur og aðeins fáir útvaldir vita hvar hún heldur sig. Hún neitar að láta kvikmynda sig fyrir raunveruleikaþættina sína fyrr en á nýju ári, til að sýna að hún sé ekki að reyna að græða á skilnaðinum sem hún stendur í við eiginmann sinn til tveggja mánaða, Kris Humphries.

Kardashian sneri aftur til Los Angeles á föstudaginn eftir stutta ferð til Ástralíu. Á flugvellinum beið hennar sægur af papparössum og segja kunnugir að hún hafi skipt um bifreið á miðri leið heim til að villa um fyrir ljósmyndurunum og komast óséð þangað sem hún heldur sig nú.

Hún getur þó ekki falið sig lengi því innan skamms hefjast tökur á myndinni Hjónabandsráðgjafinn þar sem hún fer með hlutverk.

• 1 blogg um fréttina

Bloggað um fréttina

• Gísli Foster Hjartarson: Allt fyrir frægðina........