Veröld/Fólk | mbl | 11.5.2012 | 15:45 | Uppfært 16:00

Mikil stemning á kveðjutónleikum

Mynd 1 af 15 Mikill fjöldi barna á öllum skólastigum fylgdust með kveðjutónleikunum. Styrmir Kári

Mynd 2 af 15 Börnin komu gangandi úr skólum sínum. Styrmir Kári

Mynd 3 af 15 Þó svo aðeins hafi dropað létu börnin það ekki á sig fá og klæddu sig eftir veðri. Styrmir Kári

Mynd 4 af 15 Skólakrakkarnir voru vel sjáanleg í skærum vestum. Styrmir Kári

Mynd 5 af 15 Áhuginn skein úr hverju andliti og víst að margir munu fylgjast með keppnini. Styrmir Kári

Mynd 6 af 15 Gott var að skýla sér á bak við regnhlíf þar sem rigndi á tónleikagesti. Styrmir Kári

Mynd 7 af 15 Greta Salóme og Jónsi voru flott á sviðinu og Jónsi með sólgleraugu í rigningunni. Styrmir Kári

Mynd 8 af 15 Vart var að sjá hvort tónleikagestir eða flytjendur skemmtu sér betur. Styrmir Kári

Mynd 9 af 15 Greta Salóme mundar fiðluna en hún byrjaði að æfa á hana fjögurra ára gömul. Styrmir Kári

Mynd 10 af 15 Jónsi spilaði á gítar og söng á sama tíma. Styrmir Kári

Mynd 11 af 15 Jónsi spilaði þó ekki á gítar allan tímann en söng af þeim mun meiri innlifun. Styrmir Kári

Mynd 12 af 15 Börnin tóku vel undir í þeim lögum sem þau kunnu. Styrmir Kári

Mynd 13 af 15 Enginn tónleikagesta var svikinn enda dúndrandi stuð á Miðbæjartorgi. Styrmir Kári

Mynd 14 af 15 Greta Salóme var einstaklega ánægð með viðtökurnar í heimabæ sínum. Styrmir Kári

Mynd 15 af 15 Jónsi hafði vart undan að skrifa undir hjá ungum aðdáendum sínum. Styrmir Kári

Jónsi var flottur með sólgleraugu í rigningunni í Mosfellsbæ í dag. mbl.is/Styrmir Kári

Skólabörn í Mosfellsbæ fylltu Miðbæjartorgið fyrr í dag þegar fram fóru kveðjutónleikar Gretu Salóme og Jónsa, en þau halda til Aserbaídsjan á morgun þar sem þau keppa fyrir hönd Íslands í Söngvakeppni evrópskra sjónvarpsstöðva.

Börnum á öllum skólastigum var boðið að mæta á kveðjutónleikana og gengu þau fylktu liði úr skólum sínum, og létu ekkert á sig fá þótt aðeins rigndi. Vel var tekið undir þegar Greta Salóme og Jónsi sungu lagið Mundu eftir mér sem þau munu flytja í Bakú í Aserbaídsjan 22. maí nk., en þá að vísu á ensku og heitir lagið þá Never forget.

Á meðfylgjandi myndasyrpu má sjá allt að tvö þúsund skólabörn fylgjast með tónleikunum.