Brjóst í lagi en bossinn ekki

Leikkonan Keira Knightley neitar að láta sjá beran bossa sinn á hvíta tjaldinu. Um brjóstin gegnir hins vegar öðru máli og er hún ófeimin við að láta þau sjást í mynd, enda svo lítil að sögn hennar sjálfrar.

Hin 27 ára leikkona segist vera hörð á því að neðri partur líkama hennar sjáist ekki í þeim myndum sem hún leikur í og er með sérstaka klausu þar um í öllum samningum um hlutverk sem hún tekur að sér. Um brjóstin gegnir hins vegar öðru máli og er hún ófeimin að láta þau sjást. Segir hún fólk lítinn áhuga hafa á vexti hennar enda nánast flatbrjósta.

Segist leikkonan oft hafa brosað að því hvernig leikstjórar láta ýkja línur hennar á kynningarefni mynda sem hún leikur í. Aðeins einu sinni hafi hún orðið alveg brjáluð yfir plakati en það var fyrir myndina um Arthur konung, „King Arthur“, frá árinu 2004.

„Á plakatinu fyrir „King Arthur“  létu þeir þessi einkennilegu lafandi brjóst á mig,“ sagði leikkonan í viðtali við tímaritið Allure á dögunum og segir hafa fokið í sig. „Þetta er andlitið á mér á plakatinu, hugsaði ég. Ef þið ætlið að setja á mig einhver fantasíubrjóst  þá látið þau í það minnsta vera flott!!“

• 1 blogg um fréttina

Bloggað um fréttina

• Axel Jóhann Hallgrímsson: Hér sést það sem Keira Knightley vill ekki sýna