Sigur Rós semur fyrir Simpsons

Hljómsveitin Sigur Rós hefur samið tónlist fyrir þátt af Simpsons-fjölskyldunni sem sýndur verður í Bandaríkjunum 19. maí næstkomandi. Þátturinn gerist á heimaslóðum einnar persónunnar, Carls Carlsonar, sem  sagður er eiga rætur að rekja til Íslands.

Frumsamin tónlist Sigur Rósar mun hafa mikið vægi í þættinum en heimildir mbl.is herma að auki að meðlimir sveitarinnar hafa verið teiknaðir inn í þáttinn og munu því væntanlega spranga um skjáinn gulir að lit.

Þá endurgerði hljómsveitin upphafslag Simpsons-fjölskyldunnar, sem Danny Elfman samdi.

  • Til baka
  • Blogga um frétt
  • Senda