Nýr GOT leikari í tökum á Íslandi

Brenock O'Connor stækka

Brenock O'Connor Skjáskot af Facebook-síðu The Theatre Workshop

Svo virðist sem hinn þrettán ára gamli Brenock O'Connor sé nýjasti meðlimur leikarahóps Game of Thrones sem er nú hérlendis við tökur.

Leiklistarskóli O'Connor í Sussex, The Theatre Workshop, tilkynnti að O'Connor hefði fengið hlutverk í þeim hluta þáttanna sem tekinn verður upp á Íslandi á Twitter-síðu sinni á dögunum.

O'Connor hefur nýlokið við að leika í bíómyndinni Nighmare Hunters, sem kemur út á þessu ári. Að auki hefur hann komið fram í tveimur þáttaröðum; BBC-þáttunum Holby City og Chickens, sem sýndir verða á Sky 1 í sumar. Hann hefur þó talsvert meiri reynslu af sviðsframkomu, en síðast fór hann með hlutverk Dodger í uppsetningu Cameron Mackintosh á söngleiknum Oliver!, sem byggður er á hinni sígildu sögu Charles Dickens.

The Theatre Workshop tilkynnir um hlutverk O'Connor.

The Theatre Workshop tilkynnir um hlutverk O'Connor. Skjáskot af Twitter

Ekki er ljóst hvaða hlutverk O'Connor mun fara með, en getgátur eru uppi um að hann komi við sögu í ferð Arya Stark yfir Riverlands. Maisie Williams, sem fer með hlutverk Arya Stark sást nýlega á rölti í miðbænum.

Svo virðist sem Ísland verði ekki notað sem svæðið norður af Veggnum í þetta sinn, en mörgum þykir líklegt að landið verði notað sem Riverlands, „áttunda konungsríkið“ sem Tully-ættin, móðurætt Arya Stark ræður yfir. Þá hafa ýmsir velt því upp að senur frá Vale þar sem Arryn-ættin og móðursystir Arya ræður ríkjum verði teknar upp hérlendis.

O'Connor lék míní-útgáfu af Vinnie Jones í breskri sjónvarpsauglýsingu um mikilvægi skyndihjálpar sem sjá má hér:

  • Til baka
  • Blogga um frétt
  • Senda