Leikarinn Jack Gleeson, sem leikur konunginn Joffery Baratheon í sjónvarpsþáttaseríunum Game of Thrones, sagði í samtali við Irish Independent að hann hygðist láta af störfum sem leikari eftir að tökum væri lokið.
Hann sagðist kjósa að lifa eðlilegu og einföldu lífi í stað glamurlífsins sem Hollywood hefði upp á að bjóða .
„Þetta var alltaf skemmtilegt áður fyrr, en er ég byrjaði að leika í Game of Thrones var það mögulega raunveruleikinn sem gerði þetta of raunverulegt fyrir mig. Sá lífstíll sem fylgir því að vera leikari í vinsælli sjónvarpsþáttaröð er lífstíll sem ég laðast ekki að,“ sagði Gleeson.
Leikarinn sagðist ekki horfa á sjálfan sig í þáttunum og vildi meina að vondi konungurinn Joffery Baratheon, sem hann leikur, væri ef til vill of vitfirrtur og miskunnarlaus fyrir hann að horfa á. „Þú reynir að greina þig frá vondu persónunni sem þú leikur er þú ert í hlutverkinu, en ef ég sé mig í sjónvarpinu, þá fæ ég hroll," sagði hann.
„Ég myndi vilja reyna verja hann, en ég myndi eiga í miklum erfiðleikum með það, “ sagði Gleeson um persónuna Joffery Baratheon og bætti við: „Ætli hann sé ekki svona út af fjölskyldu sinni. En ef við förum yfir kosti hans eru þeir ekki margir.“
Það sem hafði einnig áhrif á ákvörðun hans að hætta að leika eftir þáttaseríurnar var að hann er búin að vera í námi þar sem hann hefur einblínt á guðfræði og heimsspeki samkvæmt heimildum Rolling Stone.