Allir sjö háskólar landsins stóðu að Háskóladeginum sem fram fór í gær í húsakynum háskólanna á höfuðborgarsvæðinu. Var þetta í tíunda skipti sem háskóladagurinn er haldinn en á deginum gefst verðandi nemendum og öllum öðrum færi á að kynna sér þær námsleiðir sem kenndar eru í íslenskum háskólum. Skólarnir bjóða samtals upp á um 500 námsleiðir. Monitor fór á stúfana og kynnti sér námsframboðið örlítið betur.