Leikarinn Robert Pattinson og söngkonan Katy Perry eru mögulega að hittast, en þau eyddu miklum tíma saman á Coachella-tónlistarhátíðinni á dögunum.
„Þau voru eitthvað að hittast fyrir ári en þau fóru hvort í sína áttina,“ sagði heimildarmaður The Sun og bætti við: „Perry og Pattinson eru bestu vinir og það eru straumar á milli þeirra. Þeim þykir vænt hvoru um annað en þau hafa alltaf passað sig á því að koma Kristen Stewart ekki í uppnám.“
Hins vegar er Kristen Stewart búin að sætta sig við að allt sé búið á milli hennar og Pattinsons. „Stewart er að vinna í sínum málum og er búin að sætta sig við að það er kominn tími til að þau haldi áfram með líf sitt. Perry og Pattinson voru saman alla helgina á Coachella og þau eru þegar búin að skipuleggja páskana saman,“ sagði heimildarmaðurinn.