Þessi verða á Rauðasandi í júlí

Tónlistarhátíðin Rauðisandur Festival verður haldin í þriðja sinn í sumar dagana 3.-6. júlí. Fjöldi listamanna hefur nú þegar staðfest komu sína en fleiri tilkynninga er að vænta á næstu vikum.

Þeir sem þegar er staðfest að komi fram eru:

• Sam Amidon (USA)
• Emilíana Torrini
• Lay Low
• Moses Hightower
• Ylja
• Amaba Dama
• Boogie Trouble
• Vök
• Soffía Björg
• My Bubba (DK)
• Nolo
• Pascal Pinon
• Loji
• Bob Justman
• Makrel

Auk tónlistardagskrár er sem fyrr boðið upp á ýmislegt annað eins og fjallgöngur með leiðsögn, jóga á sandinum, sandkastalakeppni, galdrastundir með seiðkonu og í ár verður teymi viðarhöggslistamanna með opna vinnustofu á sandinum sem allir mega taka þátt í og selaskoðun á sandinum með leiðsögn fyrir alla fjölskylduna. Ítarlegri dagskrá verður kynnt síðar.

Í kvöld verður sk. vorboði hátíðarinnar, þ.e. upphitunartónleikar sem fram fara á KEX hosteli kl. 19:30 og eru öllum opnir endurgjaldslaust. Miðasala á hátíðina hefst á tónleikunum í kvöld.

Nokkrir listamannanna sem munu koma fram í hlöðunni í ár ætla að hleypa þessu ári af stokkunum með aðstandendunum en þau eru:

• Lay Low
• Ylja
• Amaba Dama
• Soffía Björg

Sjá nánar á facebooksíðu tónlistarhátíðarinnar.

• Blogga um frétt