Adam Levine grét í brúðkaupi sínu og Behati Prinsloo, að því er vefsíða RadarOnline greinir frá.
Maroon 5-söngvarinn giftist fyrrverandi Victoria's Secret-fyrirsætunni Prinsloo á laugardaginn síðastliðinn og grét við athöfnina.
Brúðkaupið héldu þau í Cabo San Lucas í Mexíkó og var athöfnin sögð stutt og hjartnæm.
Heimildarmaður segir Adam Levina hafa tárast þegar hann fór með brúðkaupsheitin en hann samdi þau á tuttugu mínutum. Í brúðkaupsheitunum mátti heyra söngvarann segja: „Behati, ég elska þig meira en ég elska sjálfan mig og við vitum öll hvað ég elska sjálfan mig mikið.“
Í brúðkaupið mættu meðal annars Robert Downey jr., Jonah Hill og Jason Segel.