Robert Downey jr. er hæst launaði leikarinn í Hollywood, að því er tímaritið Forbes greinir frá.
Downey hlýtur þennan titil annað árið í röð en hann hagnaðist um 75 milljónir bandaríkjadollara, eða um átta og hálfan milljarð íslenskra króna, fyrir árin 2012 og 2013.
Eftir leik sinn í Iron Man sló Downey öll met í Forbes-tímaritinu yfir hæst launuðu kvikmyndastjörnurnar.
Dwayne „The Rock“ Johnson varð í öðru sæti með 52 milljónir bandaríkjadollara, eða um sex milljarða íslenska króna, en hagnaðinn fékk hann í gegnum leikhlutverk og leikstjórnarhlutverk.
Bradley Cooper varð í þriðja sæti og Leonardo DiCaprio í því fjórða sæti. Á eftir þeim komu Chris Hemsworth, Liam Neeson, Ben Affleck, Christian Bale, Will Smith og Mark Wahlberg.