Kalla þurfti til lögreglu til hýbýlis Justins Bieber fjórum sinnum um síðustu helgi, að því er vefsíða TMZ greinir frá.
Lögregla heimsótti heimili Justins Bieber í Beverly Hills fjórum sinnum vegna kvartana nágranna yfir hávaða. Justin Bieber var þá með veislu á þaki hússins og háværa tónlist.
Lögregla var fyrst kölluð til klukkan hálfníu um kvöldið, aftur klukkan eitt um nóttu, svo enn á ný klukkan tvö og að lokum klukkan þrjú um nóttu.
Söngvarinn fékk hins vegar ekki sekt þar sem hann lofaði, í öll skiptin, að lækka tónlistina.
Justin Bieber er á tveggja ára skilorði fyrir að eggja hús nágranna síns í Calabasas fyrr á þessu ári.