Alicia Keys á von á sínu öðru barni með eiginmanni sínum, Swizz Beats, að því er vefsíða Daily Mail greinir frá.
Hin 33 ára gamla söngkona valdi fjórða brúðkaupsafmæli þeirra hjóna til að tilkynna að hún og eiginmaður hennar eiga von á öðru barni en saman eiga þau þriggja ára gamlan son, Egypt.
Söngkonan deildi mynd á Instagram af sér og Swizz Beats þar sem hún skrifar undir myndina að þau eigi von á barni og haldi upp á trúlofunarafmæli sitt.
Swizz Beats á tvö önnur börn úr fyrri hjónaböndum en þau Alicia Keys hafa verið saman í fjögur ár og segist hann hlakka mikið til nýju viðbótarinnar í fjölskylduna.
Óvíst er hvenær Alicia Keys eigi von á sér en í nóvember á síðasta ári sagðist hún vera tilbúin fyrir annað barn.