Amal Alamuddin, unnusta Hollywood-stjörnunnar George Clooney, hefur gengið til liðs við rannsóknarnefnd á vegum Sameinuðu þjóðanna sem skoðar nú ásókn Ísraelshers á Gaza-svæðinu.

Alamuddin er breskur lögfræðingur, fædd í Líbanon, og var ein af þremur sérfræðingum sem skipaðir voru af mannréttindanefnd Sameinuðu þjóðanna til þess að annast rannsóknina, en hópnum ber að skila niðurstöðum í mars á næsta ári.

Hún er þaulreynd í rannsóknum á alþjóðlegum vettvangi. Áður hefur hún unnið með Alþjóðadómstólnum við rannsókn á morði Rafiq Hariri, fyrrverandi forsætisráðherra Líbanons. Hún aðstoðaði einnig Kofi Annan, fyrrverandi framkvæmdastjóra Sameinuðu þjóðanna, við að koma á friði í Sýrlandi.

Hún er 36 ára gömul og talar arabísku, frönsku og ensku reiprennandi, en hún er með háskólagráður úr bæði Oxford-háskóla og New York-háskóla. Hún hefur meðal annars starfað fyrir Yulia Tymoshenko, fyrrverandi forsætisráðherra Úkraínu, og Julian Assange, stofnanda Wikileaks. 

Alamuddin og hinn 53 ára gamli Clooney eru sögð ætla að gifta sig á Ítalíu í september, en leikarinn er einnig vel kunnugur friðarstarfi líkt og unnustan.

Tengdar fréttir

George Clooney

Clooney-hjónin trylla allt

• Heppin að hafa fundið ástina
• Bömmer að verða sextugur
• Ætlaði ekki að eignast börn
• Sagði Streep einnig hafa verið gifta Clooney

» Fleiri tengdar fréttir

Ísrael/Palestína

Nemendur í HÍ reistu tjaldbúðir án leyfis

• Krefjast svara vegna fjöldagrafa við sjúkrahús
• Hernaðaraðstoð samþykkt – Vopnasendingar í vikunni
• Gerðu drónaárásir á ísraelskar herstöðvar
• Áköf mótmæli í bandarískum háskólum

» Fleiri tengdar fréttir

• Blogga um frétt