Morgan Freeman segir kynlíf halda sér ungum, að því er tímaritið Short List Magazine greinir frá.
Hinn 77 ára leikari hefur tvisvar sinnum gengið í gegnum skilnað en hann telur heilbrigða kynhvöt lykilinn að því að finnast maður ungur. Hann segist einnig fá mikið hrós frá yngri konum um hversu kynþokkafullur hann sé.
Í viðtali við tímaritið Short List Magazine segist Freeman hafa talið að hann væri á hápunkti lífs síns á sextugsaldrinum og fimmtugsaldurinn hafi verið viðburðaríkur í lífi hans. Þess vegna telur hann sig eiga sín bestu ár framundan.
Morgan Freeman á glæstan kvikmyndaferil að baki og hefur meðal annars fengið fjöldann allan af óskarsverðlaunatilnefningum en nú síðast lék hann í kvikmyndinni Lucy sem er í sýningu í íslenskum bíóhúsum.