Jennifer Aniston leitar að hinu fullkomna kvikmyndahandriti fyrir sitt fyrsta verkefni sem kvikmyndaleikstjóri, að því er vefsíða WENN greinir frá.
Leikkonan tók nýlega að sér hlutverk í tveimur stuttmyndum en segist nú vilja prófa leikstjórahlutverkið og leitar að handriti og tækifæri til þess að fá að leikstýra.
Aniston segir ólíklegt að hún taki að sér að leikstýra hryllings- eða spennumynd, hana langar helst til þess að leikstýra kvikmynd um rómantík, sambönd eða líf fólks.
Stuttmyndirnar sem Aniston lék síðast í nefnast Mia og Room 10.