Skoski leikarinn Gerard Butler, sem meðal annars hefur leikið í myndum á borð við 300 og Beowulf, er staddur hér á landi. Sást til hans í miðbænum í nótt þar sem hann sótti meðal annars skemmtistaðinn Kaffibarinn.
Butler hefur áður sagt að Ísland sé einn af uppáhaldsstöðunum sínum. „Það er eitthvað við Ísland - harðneskja. Það er eitthvað afar frumstætt í umhverfinu, eitthvað óútskýranlegt sem hefur áhrif á mig þegar ég stend þar. Maður fer yfir jökla eða stendur á svartri sandströndu. Maður stendur á tindi eldfjalls og það leggur gufu upp úr jörðinni í kringum þig. Þarna eru hverir; maður sér þessa hluti hvergi annars staðar. Og fólkið er mjög andlega sinnað,“ sagði Butler árið 2010.
Sjá frétt mbl.is: Ísland uppáhaldsstaður Gerards Butlers