Einkvæni hentaði ekki Rob Lowe

Það er ekki alltaf tekið út með sældinni að vera Hollywoodleikari en það þekkir leikarinn Rob Lowe. Hann hefur glímt við ýmsa erfiðleika síðan frægðin bar að dyrum en kynlífsmyndandi af honum var til að mynda lekið seint á níunda áratugnum og einkvæni virtist ekki henta honum.

„Ég kynntist núverandi eiginkonu minni, Sheryl, og þá þurfti ég að láta reyna á einkvæni. Það var ekki í eðli mínu og ég gat hreinlega ekki staðið mig,“ útskýrði Lowe í viðtali sem birtist í Haute Living tímaritinu.

Lowe þjáðist alkahólisma og kynlífsfíkn á þessum tíma að eigin sögn. „Ég neyddist til að skoða lifnaðarhátt minn,“ sagði Lowe sem fór í meðferð seint á tíunda áratugnum.

Lowe, sem er 50 ára í dag, segir áfengislausan lífstíl hafa bjargað sér og gert honum kleift að vera trúr eiginkonu sinni.

• Blogga um frétt