Tónlistamaðurinn Paul McCartney hefur nú hafið nýja herferð gegn kjötáti, hann hvetur fólk til að sleppa alfarið að borða kjöt á mánudögum, umhverfisins vegna.
McCartney er grænmetisæta. Hann hefur nú sameinað krafta sína með þingmanninum Greg Barker en þeir eru talsmenn herferðarinnar sem kallast Meat Free Monday. Með herferðinni vilja þeir vekja athygli á áhrifum kjötframleiðslu á umhverfið.
McCartney biðlar til fólks að draga úr kjötneyslu það sem kjötframleiðsla er ber ábyrgð á 18% af þeim gróðurhúsalofttegundum sem fara út í andrúmslofið. Þessar gróðurhúsalofttegundir valda gróðurhúsaáhrifum.
„Ég þarf á ykkar hjálp að halda. Ég bið ykkur um að fara inn á pledge.meatfreemondays.com og sýna fram á ykkar stuðning á Meat Free Monday herferðinni,“ segir McCartney í nýju myndbandi sem birtist á YouTube í gær.