Leikarinn írski, Colin Farrell, er sagður leika stórt hlutverk í nýjustu þáttaröð True Detective en tökur hefjast fljótlega. Í viðtali viðurkennir Farrell að hann leiki hlutverk, en vill ekki gefa upp hversu stórt hlutverkið er.
HBO, sem framleiðir þættina, hefur haldið mikilli leynd yfir því hverjir leika í nýju þáttaröðinni. Orðrómur hefur þó verið á kreiki um það, að Taylor Kitsch, Vince Vaughn, Rachel McAdams og Elisabeth Moss muni öll eiga hlutverk.
Nýjasta þáttaröðin verður tekin upp að mestu leyti í kringum Los Angeles í Bandaríkjunum.