Ofurtöffarinn David Hasselhoff er hvergi nærri horfinn af sjónarsviðinu en hann leikur í nýju tónlistarmyndbandi Justin Bieber og Cody Simpson sem verður frumsýnt von bráðar.
Hasselhoff virðist vera spenntur fyrir samstarfinu. „En frábær dagur,“ skrifaði Hasselhoff við mynd sem hann birti á Twitter af sér ásamt Justin Bieber, Cody Simpson og leikstjóra tónlistamyndbandsins.
Ekki er vitað fyrir hvaða lag myndbandið er en heimsbyggðin bíður eflaust spennt eftir að sjá þetta skothelda tvíeyki, Bieber og Hasselhoff, bregða á leik.