Angelina Jolie er greinilega örlát því nýverið gaf hún eiginmanni sínum, Brad Pitt, glæsilegt gamalt úr frá Patek Philippe en hún borgaði 392 milljónir króna fyrir það.
Jolie og Pitt giftu sig í seinasta mánuði en úrið, sem smíðað var árið 1952, var eins konar brúðkaupsgjöf frá Jolie til Pitt.
Skötuhjúin eru stödd á Möltu þessa stundina en það var þar sem Jolie keypti úrið. „Ég áletraði úrið. Það var handa Brad Pitt og er afar sjaldgæft. Og já, það kostar skildinginn,“ sagði skartgripasalinn George Farrugia í viðtali við Daily Mirror en það var hann sem seldi Jolie úrið.