Harry Styles og Katy Perry á stefnumóti

Söngkonan Katy Perry er sögð vera „rosalega skotin“ í tónlistarmanninum Harry Styles en á þeim er níu ára aldursmunur.

Hin 29 ára Perry er talin eiga í ástarsambandi við plötusnúðinn Diplo en þó sást til hennar og hins tvítuga Styles nýverið þar sem þau sátu saman að snæðingi á flottu veitingarhúsi.

„Þeim líkar vel við hvort annað. Hún er orðin rosalega skotin í Styles, það kom henni á óvart,“ sagði vinur Perry við blaðamann LOOK tímaritsins. „Hann lítur upp til hennar og dáist að því að hún sé ekki þurfandi.“

Styles er greinilega mikið fyrir söngkonur en nýverið hætti hann með söngkonunni Taylor Swift sem er „óvinkona“ Katy Perry að sögn heimildamannsins. „Ég held að hann sé hræddur um að Katy sé að nota hann til að hefna sín á Swift,“ sagði heimildamaðurinn.

• Blogga um frétt