Lést er hún var í felum undan lögreglu

Charles Upham, faðir Misty Upham, leikkonunnar sem fannst látin eftir að henni hafði verið saknað í tíu daga, sagði á Facebook-síðu sinni að hann taldi hana hafa dáið meðan hún var á flótta undan lögreglunni.

Up­ham var 32 ára þegar hún fannst látin Washingtonríki en hún er meðal annars þekkt fyr­ir leik í Aug­ust: Osa­ge County og Django Unchained.

Tilkynningin kemur nokkuð á óvart þar sem fjölskylda leikkonunnar hafði sagt opinberlega að hún hafi verið í sjálfsvígshugleiðingum er hún hvarf. Þá sagði faðir hennar við útvarpsstöð í ríkinu að dóttir hans hefði verið í miklu ójafnvægi og ekki tekið lyfin sín í einhvern tíma, en Upham var með geðhvörf og kvíðaröskun

Lögreglan níddist á henni

Þá segir í tilkynningu föður hennar á fésbókar að hún hafi ekki framið sjálfsvíg heldur telur fjölskyldan að hún hafi leitað skjóls í skógi sem var í nágrenni við íbúð hennar til þess að fela sig fyrir lögreglunni. Umræddur vettvangur sýni vísbendingar um að hún hafi dottið af brattri syllu við að komast leiða sinna.

Faðir hennar segir að lögreglan hafi komið illa fram við dóttur sína sem glímdi við geðræna sjúkdóma, og að hún hefði góða ástæðu til þess að vera hrædd. Þá segir hann að öll fjölskyldan hafi orðið vitni að því þegar lögreglan níddist á henni þegar hún var sótt óviljug til þess að fara í skoðun á bráðamóttöku.

„Þeir bönkuðu á rúðuna á bílnum og grettu sig í átt að henni. Misty brast í grát og sagði þeim að þeir gætu ekki komið svona fram við hana og að hún myndi nota sín sambönd til þess að fletta ofan af hegðun þeirra,“ segir Charles Upham við fréttastofu FOX News.

• Blogga um frétt