Jeremy Clarkson, umsjónarmaður þáttarins Top Gear, fær punkta í ökuferilsskrána í fyrsta sinn í þrjátíu ár eftir að hafa verið tekinn fyrir hraðaakstur.
Clarkson segir sjálfur frá málinu í grein í dagblaðinu Sun. Hann segir að hraðaakstursbrot sitt hafi verið myndað á eftirlitsvél er hann var á leið frá Whitby til London.
Clarkson segist hafa skrifað í „blindri heift“ um of mikinn fjölda eftirlitsmyndavéla á þessari leið.
„Jæja, það lítur út fyrir að ein þeirra hafi náð mér,“ skrifar Clarkson.
Clarkson á það til að valda sumum hneysklan. Þannig fékk Top Gear-liðið gagnrýni fyrir að nota númeraplötur sem vísuðu í Falklandsstríðið er það var við tökur í Argentínu.
Clarkson segir að númeraplöturnar hafi verið algjör tilviljun og framleiðendur þáttanna segja að um óviljaverk hafi verið að ræða.