Leik- og söngkonan Lindsay Lohan er afar óánægð með spjallþáttastjórnandann Jonathan Ross en hún var gestur þáttar hans nýverið. Lohan var ekki sátt með að Ross skyldi spyrja hana út í þann tíma sem hún sat í fangelsi.
Þáttur Ross er sýndur á sjónvarpsstöðinni ITV en nú hefur Lohan farið fram á að yfirmenn ITV láti klippa þau atriði í burtu þar sem Ross spyr hana út í fangelsisvistina.
Þegar Ross spurði Lohan út í hvernig var að vera í fangelsi sagði Lohan: „Ég hef ekki hugmynd. Ég hef lokað á þann tíma. Allt í lagi. Þú setur þetta ekki í þáttinn.“
Þátturinn verður sýndur á ITV á morgun en þá kemur í ljós hvort yfirmenn sjónvarpsstöðvarinnar hafa orðið við beiðni Lohan.