Madeleine Albright, sem var utanríkisráðherra Bandaríkjanna í forsetatíð Bills Clintons, svaraði skemmtilega fyrir sig á samskiptavefnum Twitter þegar grínistinn Conan O'Brien gerði gys að henni.
O'Brien hugleiddi opinberlega hvaða búning hann ætti að klæðast á hrekkjavökunni í næstu viku.
„Ég var að velja mér hrekkjavökubúning. Ég ætla að mæta sem djörf Madeleine Albright,“ skrifaði Conan.
Hin 77 ára Albright, sem er greinilega enn með munninn fyrir neðan nefið, svaraði um hæl: „Ég held ég mæti sem myndarlegur Conan O'Brien, en fattaði svo að það er sennilega ekki hægt.“
O'Brien viðurkenndi að hann hafði þar hitt ofjarl sinn og hrósaði Albright. „Skrambinn, alltaf þegar ég fer að munnhöggvast við Madeleine Albright, þá tapa ég,“ skrifaði O'Brien.
Albright gaf honum þá góð ráð: „Aldrei munnhöggvast við diplómata. Við tölum mun meira en grínistar.“
I picked out my Halloween costume. I’m going as “Slutty Madeleine Albright.”
— Conan O'Brien (@ConanOBrien) October 23, 2014
.@ConanOBrien Never get into a word war with a diplomat. We talk even more than comedians.
— Madeleine Albright (@madeleine) October 23, 2014
Damn - Whenever I go toe to toe with @Madeleine Albright, she always wins.
— Conan O'Brien (@ConanOBrien) October 24, 2014
.@ConanOBrien Never get into a word war with a diplomat. We talk even more than comedians.
— Madeleine Albright (@madeleine) October 23, 2014