Leikstjóri óskarsverðlaunamyndarinnar The Graduate, Mike Nichols, er látinn. Hann var 83 ára gamall.
Samkvæmt frétt Bloomberg lést leikstjórinn skyndilega í gærkvöldi. Eftirlifandi eiginkona Nichols er fréttakonan góðkunna Diane Sawyer.
Nichols var margverðlaunaður leikstjóri og starfaði í rúmlega fimmtíu ár. Ásamt óskarsverðlaunum hefur hann einnig unnið Emmy- og Tony-verðlaun.
Fyrsta kvikmyndin sem Nichols leikstýrði var „Who's Afraid of Virginia Woolf?“ sem frumsýnd var 1966. Leikkonan Elizabeth Taylor fékk óskarsverðlaun fyrir leik sinni í þeirri mynd. The Graduate kom út ári síðar og fékk Nichols þá óskarsverðlaun fyrir leikstjórn.
Sawyer var fjórða eiginkona leikstjórans en þau giftust árið 1988.