Tímaritið Life & Style birti nýverið frétt um að grunur léki á að söngkonan Miley Cyrus væri ólétt en talsmaður Cyrus hefur nú stigið fram og sagt orðróminn vera bull.
Í frétt Life & Style var gefið í skyn að Cyrus ætti nú von á barni með kærasta sínum, Patrick Schwarzenegger, sem er sonur Arnold Schwarzenegger. Talsmaður Cyrus segir fréttina byggja á misskilningi.
„Þetta er ekki satt. Dag eftir dag er hún annað hvort dáin eða ólétt,“ sagði talsmaður hennar í yfirlýsingu sem birtist á GossipCop.com. Á sama tíma og talsmaður Cyrus segir hana ekki vera ólétta segir heimildamaður GossipCop að Cyus hafi ekki alls fyrir löngu tekið óléttupróf sem sýndi jákvæða niðurstöðu. „Vinir hennar eru sannfærðir um að hún sé byrjunarstigi meðgöngu,“ sagði heimildamaðurinn.