Lögreglan í Leipzig í Þýskalandi leitar nú að manni sem beit annan til blóðs á versta stað eftir áflog þeirra á milli eftir gleðskap. Fórnarlambið var útskrifað af sjúkrahúsi samdægurs er ekki vitað til þess að hann hafi borið varanlegan skaða af nartinu.
Fórnarlambið var á gangi við annan mann eftir teiti þegar til ákafra orðaskipta kom á milli þeirra. Þau leiddu til átaka sem enduðu með því að annar þeirra beit hinn í gegnum gallabuxur í klofið þannig að blæddi úr pung hans.
„Við vitum enn ekki af hverju þeir flugust á. Yfirleitt heyrum við bara af svona löguðum hjá apaköttum,“ segir lögreglan í frétt The Local. Áfengismagnið í blóði fórnarlambsins reyndist 0,25 prómíl en í Þýskalandi eru viðmiðunarmörk fyrir akstur 0,08 prómíl.
Það eina sem fórnarlamabið, sem er 45 ára gamalt, veit um bitvarginn er að hann heitir Axel. Lögreglunni hafa engar vísbendingar borist um árásarmanninn og gengur hann því enn laus.