Ekki er víst að fyrrverandi kryddpían Mel B, eða Melanie Brown, geti tekið þátt í úrslitum X Factor sem fara fram í kvöld. Hún er dómari í þáttunum ásamt Simon Cowell, Cheryl Cole og Louis Walsh.
Í frétt Sky-sjónvarpsstöðvarinnar kemur fram að Mel B sé á sjúkrahúsi. Ekki er vitað hvað amar að henni. „Hún er enn lasin og á þessu stigi er ekki vitað hvort hún muni geta tekið þátt í þættinum,“ er haft eftir talsmanni þáttarins.
Mel B er 39 ára. Hún tók ekki þátt í blaðamannafundi fyrir þáttinn sem haldinn var á fimmtudaginn.