Tónlistamaðurinn Justin Timberlake hélt aftur af tárunum þegar ungur aðdáandi hans gaf honum snemmbúna jólagjöf á tónleikum í New York á sunnudaginn.
Timberlake lék á als oddi á tónleikum sem haldnir voru í Barclays Center tónleikahöllinni í Brooklyn um helgina. Tónleikagestir, sem voru á öllum aldri, virtust skemmta sér vel. Í áhorfandahópnum var þá 10 ára drengur sem er mikill aðdáandi Timerlakes.
Þessi ungi aðdáandi vakti athygli Timberlake þegar hann teygði sig upp á svið úr þvögunni og rétti Timerlake lítinn böggul. Timberlake opnaði pakkann og upp úr honum kom þverslaufa. Timberlake var afar þakklátur og sagði gjöfina vera bestu gjöf í heimi. Hann hélt þverslaufunni upp að hálsinum og sagðist ætla að nota hana á aðfangadag. Litli strákurinn brast í grát og Timberlake viðurkenndi að hann væri sjálfur að halda aftur af tárunum.
Atvikið náðist auðvitað á myndband: