Tveimur breskum lögreglumönnum hefur verið sagt upp störfum fyrir að senda klámmyndir úr símum sínum. Mennirnir voru í deild sem m.a. sér um að manna eftirlit við bústað forsætisráðherrans í Downing Street.
Annar lögreglumaðurinn var sektaður um 6.000 pund, en hann var fundinn sekur um að hafa 11 sinnum sent grófar klámmyndir úr síma sínum.
Sími 14 lögreglumanna var rannsakaður eftir að þetta mál kom upp. Talsmaður Scotland Yard sagði í samtali við breska blaðið Telegraph, að rannsókn málsins væri lokið og ekki urðu fleiri ákærðir.