Í dag gaf Madonna óvænt út sex ný lög mörgum mánuðum á undan áætlun. Mun útgáfan koma til vegna þess að lögunum hafði þegar verið lekið á veraldarvefinn í ófullbúinni mynd.
Lögin eru öll af nýjustu plötu Madonnu sem væntanleg er í mars. Sú ber titilinn Rebel Heart og er sú fyrsta sem söngkonan sendir frá sér í þrjú ár.
„Ég vil frekar að aðdáendur mínir heyri lokaútgáfur þessara laga en þær ókláruðu útgfáfur sem ganga nú manna á milli. Lítið á þessi sex lög sem snemmbúna jólagjöf,“ sagði Madonna í yfirlýsingu.
Eitt af nýju lögunum „Living for Love“ er sagt minna um margt á fyrstu smelli Madonnu en hún er sögð hafa hugsað sér að gefa það út á Valentínusardaginn.