Leikkonan Billie Whitelaw, sem var þekktust fyrir hlutverk sitt sem barnfóstran í The Omen, er látin, 82 ára að aldri.
Sonur hennar, Matthew Muller segir í samtali við dagblaðið the Guardian að móðir hans hafi fengið friðsælan dauðdaga á öldrunarheimili sem hún bjó á í London.
Whitelaw hafði glímt við veikindi í um eitt ár en fór að hraka mikið fyrir nokkrum dögum.
Hún er líklega þekktust fyrir hlutverk sitt í kvikmyndunum The Omen og sem móðir glæpamannanna Ronnie og Reggie Kray í kvikmyndinni The Krays sem var frumsýnd árið 1990.
Whitelaw vann m.a. mikið með írska leikskáldinu Samuel Beckett, sem eitt sinn lýsti henni sem hinni fullkomnu leikkonu.