Sjötta kvikmynd Peters Jacksons eftir bókum J.R.R Tolkiens, The Hobbit: The Battle of the Five Armies, er vinsælasta myndin í kvikmyndahúsum vestanhafs aðra vikuna í röð.
Áttu nýjar myndir eins og Unbroken og Into the Woods ekki roð í Hobbit enda Jackson vanur því að kvikmyndir hans eftir bókum Tolkien slái í gegn hjá bíógestum.
Tekjur af myndinni námu 41,4 milljónum Bandaríkjadala um helgina en tvær vikur eru síðan hún var frumsýnd. Í öðru sæti listans er mynd Angelinu Jolie, Unbroken sem segir sögu íþróttagarpsins bandaríska, Louis Zamperini,sem var tekinn höndum af Japönum í seinni heimstyrjöldinni. Tekjur hennar námu 31,7 milljónum dala en myndin var frumsýnd fyrir helgi.
Nornamyndin Into the Woods, með Meryl Streep í aðalhlutverki, er í þriðja sæti listans en myndin er nútímaútgáfa af nokkrum ævintýrum Grimm-bræðra.